قال الرئيس عبد الفتاح السيسي، اليوم السبت، إن مصر تواجه ثلاثة تحديات رئيسة تتمثل في مكافحة الإرهاب وإنجاز المشروعات التنموية الكبرى مثل تنمية شرق بورسعيد وأن تصبح بلدا له كيانه.

وأضاف السيسي، في كلمة له خلال تدشين مشروع تنمية شرق بورسعيد، "احنا موجودين هنا النهاردة عشان نبقى حاضرين انطلاق مشروع جديد محور تنمية قناة السويس أنا كنت وعدتكم قبل كده أننا لا يمكن نتكلم أو نطلق مشروع متكنش معداته وأفراده وكل الدراسات الخاصة به منتهية تماما".

وتابع "أحنا كنا قولنا إن تنمية محور قناة السويس حلم وكان حلم في 2002 ولمدة الـ13 سنة اللي تحقق كان قليل جدا.. مفيش حاجة من اللي أنتم شوفتوها النهاردة المعدات والعمل مش شغال.. الموضوع كان ممكن ياخد 10 - 15 سنة عشان يخلص".

وقال السيسي "احنا بنتكلم على سنتين.. أنا أتحدى أي حد أن يقدر يعمل اللي بنعمله ده في 10 سنين وأنا عارف انا بقول إيه كويس"، مضيفا "كان ممكن أقول للشباب هديكم 2-3 مليار جنيه عشان كل شاب يعمل مشروع صغير بـ10-20 ألف ونقوله احنا ساعدناك.. ولكن كده نبقى غسلنا أدينا من الشباب".

وأشار السيسي إلى أن التحدي الثالث الذي يواجه مصر هو أن تبقى دولة لها كيانها قائلا "هو أنتم ناويين تنجحوا وتبقوا دولة يعني.. ده تحدي تالت لازم تخلوا بالكم من اللي بيتخطط ليكم وتنتبهوا كويس لبلدكم أحنا كلنا اتفقنا أننا كلنا هنخلي بالنا من مصر مش أنا بس.. نحن معا نبني مصر ونحافظ عليها جميعا".

وأضاف أن الحكومة حريصة على أن تكون التنمية موجودة في كل منطقة في مصر، موضحا أنه يجري الآن الانتهاء من مشروع شبكة الطرق وبناء عدة مطارات بهدف أن تكون هناك "بنية أساسية حقيقة محترمة" تساعد على التنمية والاستثمار.

وقال "الدولة مبتعملش شعب.. الشعب هو اللي بيعمل الدولة ويحافظ عليها".

وأوضح السيسي أن التحدي الرئيسي لمصر هو الإرهاب، وقال إن العالم كله خلال العام الجاري أصبح يعاني من عدم المكافحة الحقيقية للإرهاب، مضيفا "العالم كله فهم وبدأ يفهم ان المواجهة ليست أمنية فقط ولكن فكرية ومجتمعية ودينية وإلا سيعاني العالم لسنين قادمة أحنا أعربنا ونعرب عن استعدادنا للتعاون لمواجهة هذه الظاهرة المعادية للإنسانية وللدين".

وطالب السيسي، في كلمته، الحكومة بضبط أسعار السلع الأساسية حتى تصبح في متناول الجميع خاصة محدودي الدخل، وقال "مع نهاية شهر 12 هيكون حصل تقليل حقيقي لأسعار السلع الأسياسية.. بكلف الحكومة أن الموضوع مش شهرين تلاتة أحنا بنتكلم عن ضبط الأسعار حاليا ومستقبلا".

كما طالب السيسي المستثمرين ورجال الأعمال بالاستثمار في مصر، وقال "فيه مستثمرين بينتابهم شكوك وخايفين أحنا مش بنضحك عليكم".

ووجه للمستثمرين رسالة قائلا "اشتغلوا ابنوا عمروا..  الكلام اللي بيتقال خايفين.. خايفين من ايه هو مفيش قانون في البلد محدش يقدر يعمل حاجة ولا هيعمل إلا بالقانون لا يقدر أي جهاز في الدولة أن يتجاوز القانون..  الشكوك ليس لها أساس من الصحة بس خلي بالكو احنا بنشتغل عشان بلدنا".

وفيما يتعلق بمشكلة تجمع المياه في بعض المحافظات نتيجة سقزط الأمطار، قال السيسي إنه يجري حاليا تنفيذ خطة عاجلة لتحسين شبكة الري والصرف، مضيفا أنه هناك خطة أخرى بعيدة المدى ستنتهي خلال عامين ونصف للإنتهاء نهائيا من مشكلة الصرف والسيول ليس في الإسكندرية والبحيرة فقط ولكن في كل المحافظات.

موضوعات متعلقة: 

السيسي يطالب باختصار مدة مشروع تنمية شرق التفريعة ببورسعيد إلى عامين

السيسي يشهد الاحتفال بافتتاح مشروع تنمية شرق التفريعة ببورسعيد